【暗瘡成因知多啲2——内因(面部篇)】
上次同大家講過暗瘡形成嘅外因，今次就一齊探討下暗瘡形成嘅内因💡。
暗瘡形成最常見嘅内因就係荷爾蒙水平轉變或失調。青春期少男少女嘅暗瘡問題好普遍，主要係因為青春期發育令睪固酮水平升高，導致油脂分泌旺盛，促進暗瘡形成🥲。
相信大家都有聽過面部唔同地方爆瘡係對應住身體臟腑出問題嘅呢個説法，喺中醫角度黎睇，呢句的確有理可循，接下來就同大家講解，面部唔同位置生暗瘡係對應身體嘅咩問題😉。
🤯額頭：心火盛
中醫認爲額頭嘅暗瘡對應心火同肝火，情緒起伏大、長期思慮過度、勞心費神者容易額頭及眉心生暗瘡。
🧏♂️左面：肝臟功能下降
暗瘡喺左邊面就代表肝臟嘅排毒功能下降，係身體嘅血液循環出現問題而令毒素積聚，導致生暗瘡。
💁♀️右面：肺部積熱
右邊面生暗瘡嘅人如果喉嚨都覺得乾燥，甚至痰多咳嗽，就有機會係肺部積熱，肺火上升。
👃鼻子：脾胃差
鼻樑、鼻翼及鼻頭生暗瘡通常同脾胃有關，有機會係煎炸辛辣、生冷及油膩食物食太多所致。
👄人中/唇周：腸臟問題
人中同唇周附近嘅暗瘡對應腸臟問題，通常係因爲飲食習慣偏多肉少菜、濃味及辛辣食物導致腸熱，搞到生暗瘡。
🫢下巴：内分泌/子宮問題
有女性成日抱怨經前同經期中會爆瘡，尤其喺下巴位爆得最勁。原因係因爲月經黎嘅時候，女性體内嘅黃體素水平增高會令油脂分泌增加，從而令毛囊堵塞，形成暗瘡。
下一期就同大家講埋身體暗瘡嘅成因。
有暗瘡問題？點擊以下連結預約中醫服務睇睇啦：https://tinyurl.com/38e3kzy9
#康和堂 #註冊中醫 #中醫美容 #暗瘡 #成因 #外因 #痤瘡 #毛囊堵塞 #毛囊發炎#皮脂 #油脂 #皮膚 #皮膚病 #空氣污染 #護膚品 #護膚產品 #塵蟎 #銅鑼灣 #旺角 #慢性病調理 #疑難雜症 #婦科 #針灸 #拔罐 #刮痧 #二十五週年 #香港品牌