【暗瘡成因知多啲1——外因】

【暗瘡成因知多啲1——外因】

暗瘡問題喺香港非常常見，亦唔係年輕男女獨有，小編呢排都爆咗好多瘡🥲，所以今期就同大家講下暗瘡到底係點形成呢。暗瘡成因有好多，我將佢歸納為外因同内因，以下就介紹幾個較常見嘅外因💡。

「暗瘡」屬於痤瘡一類，會因爲毛囊被死皮細胞及油脂堵塞而造成。當皮脂腺分泌過多，未能及時從毛孔中排走，便會造成毛孔堵塞🥺。毛孔形成閉塞，皮膚上嘅暗瘡細菌就會大量繁殖，引起粉刺等等嘅毛囊感染發炎🛡️，當皮脂同細菌再滲入真皮層入面，便可能會引發毛囊周圍嘅炎症丘疹或膿頭、結節、囊腫等多種暗瘡。換而言之，毛孔堵塞就容易造成暗瘡。咁通常有咩外因會導致毛孔堵塞呢🤨？

第一個外因就係污糟嘅環境。香港呢個繁忙嘅都市，每日都車水馬龍，路邊空氣自然充滿煙塵等污染物。而我地嘅面部又會接觸到周圍嘅空氣，令飄浮喺空中嘅污染物附著喺面上，繼而堵塞毛孔，引致毛囊發炎生暗瘡。

第二個外因係清潔唔乾淨。好好清潔自己面部同身體🚿，將污糟嘢洗走，就會減少堵塞毛孔嘅機會。另外，定期清洗床單同枕頭套亦可以避免塵蟎滋生，減少對面部嘅刺激。

最後一個外因就係使用唔適合自己膚質嘅護膚產品✨。例如本身皮膚就存在油脂過多嘅問題，再使用油性護膚產品，就會令多餘油脂堵塞毛孔；而本身皮膚較乾燥，但使用清爽嘅護膚產品，就會導致保濕力不足，觸發皮膚喺缺水情況下分泌油脂嘅機制，容易形成毛孔堵塞。所以選擇適合自己嘅護膚產品非常重要。

下次就同大家講下暗瘡形成嘅常見内因！😉

有暗瘡問題？點擊以下連結預約中醫服務睇睇啦：https://tinyurl.com/38e3kzy9

#康和堂 #註冊中醫 #中醫美容 #暗瘡 #成因 #外因 #痤瘡 #毛囊堵塞 #毛囊發炎#皮脂 #油脂 #皮膚 #皮膚病 #空氣污染 #護膚品 #護膚產品 #塵蟎 #銅鑼灣 #旺角 #慢性病調理 #疑難雜症 #婦科 #針灸 #拔罐 #刮痧 #二十五週年 #香港品牌