【Dr. Yam:濕重?自救秘技大公開!】 所謂:「千寒易除,一濕難祛。濕性黏著,如油入面。」 濕氣都唔係咁容易祛得乾淨。既然文師傅教咗大家點樣靠「食」祛濕,今日就等我教下大家點樣靠「按」祛濕。 人體穴位幾百個咁多,對應著身體不同部位,按摩不同穴位自然有不同功效。以下推薦幾個祛濕穴位,等大家按完舒緩一下濕重帶來嘅不適: 豐隆穴 – 位於小腿前外側,外踝尖上8寸,脛骨前緣外小腿肌肉豐滿隆起處。適當地按摩呢個穴位有和胃氣,化痰濕,清神志嘅功用。 委中穴 - 位於膝窩嘅中心點上。膀胱經係人體最大嘅排毒祛濕通道,而委中穴就係呢個通道嘅排污口,如有阻塞不通,濕氣就會排唔走,積聚喺體内。 承山穴 - 被譽爲「祛濕第一穴位」嘅承山穴位於小腿後面正中間嘅地方。小腿肌肉分成「人」字形,承山穴就喺人字中間。最初按摩呢個穴位會有明顯痠脹痛感,亦代表體内濕氣積聚。按揉一段時間後就會覺得身體微微發熱,咁就預示住陽氣生發,濕邪減少。 以上穴位嘅按摩手法: 以手拇指或食指、中指指腹放喺穴位上,其餘四指自然放鬆,分別按順時針、逆時針方向揉動2-3分鐘,手法宜輕柔、穩健、有滲透力。可相間5分鐘後再進行按摩,按摩時間總共以每穴5-10分鐘為佳 如果按後仍然感到不適,濕重問題依然未能解決,好有可能濕氣太重,或者按錯穴位。到時候再過黎康和堂睇下啦,等我話你知你到底按得啱唔啱! 點擊以下連結查詢預約中醫診症服務:https://bitly.ws/3eXBe #康和堂 #香港註冊中醫 #任醫師 #DrYam #穴位按摩 #祛濕 #穴位 #祛濕穴位 #委中 #豐隆 #承山 #委中穴 #豐隆穴 #承山穴 #中醫看診 #旺角 #銅鑼灣 #香港品牌 #二十五週年